ബി ടെക് പഠനം കഴിഞ്ഞു എല്ലാ എഞ്ചിനീയറിംഗ് കാരെ പോലെ ഞാനും ജോലി തിരക്കി ഇറങ്ങി. നമ്മുടെ സ്റ്റാന്ഡേര്ഡ് അവര്ക്ക് ഇല്ലാത്തതാണോ അതോ അവരുടെ സ്റ്റാന്ഡേര്ഡ് നമുക്ക് ഇല്ലാത്തതാണോ മിക്ക കമ്പനികാരും എന്നെ പറഞ്ഞു വീട്ടില് വിട്ടു. ഒരു വര്ഷം കഴിഞ്ഞു എനിക്ക് ബോധോദയം ഉണ്ടായി. ഈ പറഞ്ഞത് കള്ളു കുടിച്ചു കഴിഞ്ഞു അത് ചെയ്യെണ്ടാതില്ല എന്ന് കുടിയന്മാര്ക് തോന്നുന്ന അതെ ബോധോദയം ആണ്. ഇനി എന്റെ ഭാവി ടീചിങ്ങില് ശോഭികുകയാണെങ്കില് ആയിക്കോട്ടെ എന്ന് വിചാരിച്ചു തുടര്ന്ന് പഠിക്കാന് തീരുമാനിച്ചു .(ഈ സാഹസം എത്ര കുട്ടികളുടെ ഭാവിയെ ബാധികുമെന്നു കണ്ടറിയാം ).
ഇത് വായിക്കുന്ന പലര്ക്കും തോന്നാം ഞാന് അത്രക്കും പഠിപ്പിസ്റ്റ് ആണോ എന്നു. ഒരു വര്ഷം ജോലി തിരക്കി കിട്ടാതവനു ഉള്ള ഏക വഴിയാണ് പഠനം. പെണ്കുട്ടികളാണെങ്കില് പൈസ കൊടുത്തു കെട്ടിചെങ്കിലും വിടാം, പക്ഷെ ആണുങ്ങളുടെ കാര്യം അങ്ങനെ അല്ലല്ലോ.
അങ്ങനെ ഞാന് തമിഴ് നാട്ടില് ഒരു പേരെടുത്ത കോളേജില് ചേര്ന്നു. അവിടെ ചെന്നപ്പോള് സെമെണ്ടിനും മണ്ണിനും വിലയില്ലാത്ത നാടാണോ അത് എന്നു തോന്നിപ്പോയി.
വെറുതെ കെട്ടിടങ്ങള് പണിതു ഇട്ടിരുക്കുന്നു .ഇവിടെ ഒരു നില വീട് പണിയന് ശരാ ശരി മലയാളീ പാട് പെടുംപോലാണിത് .
ക്ലാസ്സ് തുടങ്ങി ഒരാഴ്ച കഴിഞ്ഞപ്പോള് പണി പാളി എന്നു തിരിച്ചറിഞ്ഞു.പറമ്പില് പണിക്കു വിളിക്കുന്നവനെ കൊണ്ട് ബൈപാസ് സര്ജറി ചെയ്യുന്നതു പോലെ എന്തൊക്കെയോ ആരോ ചിലര് പഠിപ്പിക്കുന്നു. എല്ലാം മോശം പറയാന് പാടില്ലാലോ,ചില സ്റ്റാഫ് കൊള്ളാം.ഈ പഠിപ്പീര് കണ്ടിട്ട് ബി ടെക് നു പഠിപ്പിച്ച സാറുമാരെ ഓര്ത്തു അവരെത്ര ഭേതം എന്നു നെടുവീര്പിട്ടു.
ക്ലാസ്സോ അങ്ങനെ ആയി.ഇനി ഹോസ്റ്റല് ലൈഫ് എങ്കിലും ആസ്വദിക്കാം എന്നു വിചാരിച്ചപ്പോള് അവിടെയും എട്ടിന്റ്റെ പണി കിട്ടി.അഡ്മിഷന് എടുത്തപ്പോള് പറഞ്ഞ പല കാര്യങ്ങളും ഹോസ്റ്റലില് ഇല്ല. ഇരുപത്തിനാല് മണിക്കൂറും വെള്ളമുണ്ടെന്നു പറഞ്ഞ സ്ഥലത്ത് വെള്ളം വരുന്നത് രണ്ടു മണിക്കൂര് മാത്രം.ഇവിടെ വെള്ളത്തില് കിടന്നു അര്മാദിച്ച എന്റെ ഒരു ഗതി കേടു .(ഏതു വെള്ളമാണെന്നു അവനൊന്റ്റെ ഉചിതത്തിനു വിട്ടിരിക്കുന്നു).റൂമിലെ ആറു പേര്ക്കും ഒരു മണിക്കൂറ് കൊണ്ടു പ്രാഥമിക കൃത്യങ്ങളെല്ലാം നിര്വഹിക്കണം.മലയാളികള്ക് പൊതുവേ ഒരു വിചാരം ഉണ്ട് നമ്മള് മാത്രമേ കുളിക്കതോള്ളൂ എന്നു ,പക്ഷെ എല്ലാം വിചാരിക്കുന്ന പോലെയല്ല.തമിഴനും തെലുന്ഗ്ഗ്നും എല്ലാം മുടിഞ്ഞ കുളി ..കുളിയോടു കുളി ....
അവരുമായി അഡ്ജസ്റ്റ് ചെയ്തു പോകാന് ഞാനും തീരുമാനിച്ചു...കുളികളുടെ എണ്ണം ഞാന് കുറച്ചു...ടോയിലെറ്റില് പോകുന്നത് പിന്നെയും കുഴപ്പമില്ല..പ്ലസ് ടുവില് പഠിച്ച കാലത്ത് സിനിമ ടിക്കറ്റ് എടുക്കാന് ക്യുവില് നിന്നത് ഇവിടെ എന്റ്റെ തുണക്കു എത്തി.
ഭക്ഷനതിന്റ്റെ കാര്യത്തില് മാത്രം ഒരു കുഴപ്പവും ഇല്ല.കോഴിയെ തിന്നു മടുക്കാം..കോഴിയെ എന്നു പറഞ്ഞത് കോഴി കറിയല്ല...കിട്ടുന്നത് വേവിച്ച കോഴി തന്നെ..
പക്ഷെ മസാലയും ഉപ്പും ഒന്നുമില്ലാത്ത ഒരു സാധനം...അതോടെ കോഴിയെ പോലും വെറുത്തു പോയി...പകല് മുഴുവന് ക്ലാസ്സ് കഴിഞ്ഞു തിരിച്ചെത്തുമ്പോള് കാപ്പി കിട്ടും ..എല്ലാ മലയാളികളും കൃത്യമായി മെസ്സില് എത്തുന്നത് അപ്പോള് മാത്രം...വായില് വെക്കാന് കൊള്ളുന്ന പപ്സോ ബന്ണോ എന്തെങ്കിലും കിട്ടുഅന്നത് കൊണ്ടാണിത്..കടിയുമായി വരുന്ന ചേട്ടന്മാര്ക് ഇരു വശവും അംഗ രക്ഷകന്മാരുണ്ട്. പപ്സും കൊണ്ടുള്ള ഇവരുടെ വരവ് കണ്ടാല് ബാങ്കില് നിന്ന് പൈസ കൊണ്ടു പോകുന്നത് പോലെയാണ്...ഒരു ചെറിയ അടി പിടി നടത്തി കിട്ടുന്ന പപ്സും മേടിച്ചു തിരിച്ചു വീണ്ടും ഹോസ്റ്റലില് ഇതും.
ചെല്ലുമ്പോള് തന്നെ വൈകുനെരത്തെ കോട്ട വെള്ളമെതും. അലക്കാനുള്ളത് അലക്കിയിടും ...സമയമുണ്ടെങ്കില് ഒരു കുളിയും പാസാക്കി രാത്രി ഭക്ഷണത്തിനുള്ള ബെല്ലും കാത്തു കിടക്കും...
വായിക്കുന്നവര്ക് വേണ്ടി
ഓര്കുടും ഫേസ് ബുക്കും മടുത്തപ്പോള് സമയം പോകാന് വേണ്ടി ഇട്ടതാണ് ഈ പോസ്റ്റ്.
ബ്ലോഗ് ആകുന്ന സാഗരത്തിന്റെ തീരത്ത് കക്കയും ചിപ്പിയും പെറുക്കി തുടങ്ങുന്ന ഈ തോന്ന്യവാസിക്കു അതില് നീന്തി തുടിക്കുന്ന നിങ്ങളുടെ ഉപദേശം വളരെ വിലപ്പെട്ടത് ആയിരിക്കും..